Goldfinch (已結業)

朋友推介呢間餐廳，雖然係小店，望入去雖然好似好細間，但原來入面有兩層。CRAB"PANI PURI" 蟹肉沙律脆球店員介紹理念係類似印度炸脆球，食嘅時候咬一啖後望入面好多蟹肉，蟹肉搭配沙律醬好開胃。KUIH PIE TEE 拖羅小金杯成個小金杯拎起一齊食嘅口感最好，外層薄脆、內裡有拖羅、青提同鰹魚芥辣啫喱，口感豐富，食材搭配新奇又特別。RAVIOLO 流心蟹肉、青口，蝦意大利雲吞呢個雲吞真係令人喜出望外！除咗有蟹肉、海蝦、青口、茄子外，最特別地方係搭配冬蔭，唔會辣但又有特色，東南亞地區嘅人都會鍾意。ZHANIANG CHICKEN 菊普湛江雞食材包括葡萄葉釀米、椰菜仔、柑桔、菊普。雞胸好嫩口，食材嘅搭配好大膽，充分表現到中西合璧。STRAWBERRY MOUSSE 龍井士多啤梨慕絲完全唔會好甜，士多啤梨內有蘋果肉，西式甜品搭配試雨前龍井茶香味，令到口感同味道更有自己特色。**其他分享：每道菜都會附有中文介紹，職員好親切，好好笑容，用心服務，仲提醒我每個月都會轉餐牌，如下午時間openrice訂座可以有8折優惠，態度一流！