正宗上海生煎皇 (已結業)

之前隻係Instagram見到Oscar宣傳佢嘅上海生煎王，但一直都未有機會試，今日行過就去試吓啦。首先喺門口排隊都係有少少混亂嘅，有好多人企左好耐都攞唔到籌，但有啲人一黎到就即刻有籌，見到有幾對情侶都因為唔耐煩就走左。食物質素方面，非常滿意！生煎包真係喜出望外，果然係生煎皇！生煎包嘅皮唔會太厚，脆脆地幾香口，入面的湯汁同肉餡都好足料，正評！另外我哋仲叫咗個擔擔麵同埋小籠包仲有雞絲撈麵。擔擔面我都係會比正平評嘅，佢唔會有太濃嘅花生醬味，佢嘅辣味係四川嘅麻辣，非常正中！唯獨是都面質比較粗，同平時食開嘅有少少唔同。但整體感覺都良好。雞絲撈麵有我最鍾意嘅麻醬，好好味，但食得多就會又點膩。小籠包都正評，皮薄得來唔會穿值得推介！