越旺美食 (已結業)

今日經過大角咀，一定要食返呢間令我回味無數次嘅越南美食，佢哋搬咗之後，舖頭就更加大，光猛又乾淨。特別鍾意食蝦嘅我，叫咗佢哋招牌嘅馬來奶油蝦同埋椒鹽蝦，兩種唔同嘅風味，佢哋用嘅蝦都好新鮮，而且做法都唔會蓋過蝦嘅鮮甜味，特別係個奶油汁，用嚟送飯或者係蒜蓉包都一流。另外仲叫咗豉椒蟶子同埋炒芥蘭，以價錢嚟講佢哋真係冇得輸，因為只係平民價但係都大大碟，我哋兩個人都食唔晒。佢哋嘅咖喱都好有特色，可以揀越南風味或者印度風味，我食過幾次都覺得好出色。