影片
更多
2011-01-24
12 浏览
妹妹生日，我地一家人同妹妹慶生，由於爸爸作東，所以佢揀左自己最愛食既鐵板燒。由於爸爸認識係松菱過黎呢度既鐵板燒師傅，十分懷念佢既廚藝，咁我地就一家人浩浩蕩蕩去左Miyabi。未食先坐低，老實講唔係真係咁欣賞坐鐵板燒，將櫈永遠鬼死咁高吊哂腳，食完成身一陣味十尺都聞到，不過由於爸爸跟師傅熟絡，一定要坐bar頭同佢傾計，坐低左，先點左個海鮮鐵板餐，有前菜沙律、帶子、虎蝦、和牛、鐵板炒飯同甜品，好似幾多野食。食鐵板燒應該由淡味既開始食，所以先食海鮮。師傅先把帶子用牛油煎香，然後分成四片，奉上時把帶子放回蓋上，味道都ok。再來一個燒King Prawn，師傅一起手就知佢實力，三爬兩撥就起左個蝦殼，再揭開埋個蝦頭，全程唔洗10秒，爸爸說鐵板燒好食之處就係望住師傅即場表演處理食物，係龍係蛇一望就知。這時候白酒混入海鮮既香味飄晒過黎，隻蝦切開四舊上，生熟程度處理剛好，食落去彈牙而且有好有鮮味，本人極力推介，結果叫埋左支Sake佐酒… 此時此刻點可以比佢停，當証實師傅同食物水準都唔錯既時候，我地膽粗粗叫左個鹽焗塔斯曼尼亞鮑魚，是餐廳的時令推介。師傅拎左隻手掌咁大仲郁緊既鮑魚出黎，並用海藻同鹽own住隻鮑
未食先坐低，老實講唔係真係咁欣賞坐鐵板燒，將櫈永遠鬼死咁高吊哂腳，食完成身一陣味十尺都聞到，不過由於爸爸跟師傅熟絡，一定要坐bar頭同佢傾計，坐低左，先點左個海鮮鐵板餐，有前菜沙律、帶子、虎蝦、和牛、鐵板炒飯同甜品，好似幾多野食。食鐵板燒應該由淡味既開始食，所以先食海鮮。師傅先把帶子用牛油煎香，然後分成四片，奉上時把帶子放回蓋上，味道都ok。再來一個燒King Prawn，師傅一起手就知佢實力，三爬兩撥就起左個蝦殼，再揭開埋個蝦頭，全程唔洗10秒，爸爸說鐵板燒好食之處就係望住師傅即場表演處理食物，係龍係蛇一望就知。這時候白酒混入海鮮既香味飄晒過黎，隻蝦切開四舊上，生熟程度處理剛好，食落去彈牙而且有好有鮮味，本人極力推介，結果叫埋左支Sake佐酒…
此時此刻點可以比佢停，當証實師傅同食物水準都唔錯既時候，我地膽粗粗叫左個鹽焗塔斯曼尼亞鮑魚，是餐廳的時令推介。師傅拎左隻手掌咁大仲郁緊既鮑魚出黎，並用海藻同鹽own住隻鮑魚，加上白酒係銀蓋下焗。要焗上十五分鐘，打開蓋時一片清新鹽香撲鼻，肉質爽口幼滑，帶有陣陣海水鮮味，而我就鐘意食d裙邊位，個度特別爽脆。
後上燒和牛，可選日本或澳洲。父母揀左澳洲和牛，咁我梗係揀日本既宮崎A4和牛啦。靚和牛一定要厚燒因為Marbling夠平均而且油脂極香。要左五成熟，如我所料，宮崎牛肉質鬆軟，入口鬆化即溶，非能與一般牛比美。之後師傅用和牛既油邊炒飯，飯干身而不油，又一水準之作。食埋燒菜同甜品，埋單每人$1000，值！
後記：油煙味近乎零，比我想像中要好。张贴
