影片
更多
2023-11-02
55 浏览
😻秋意漸濃，天氣都開始轉涼，又嚟到呢個適合打邊爐食雞煲嘅季節。今日就帶大家嚟到尖沙咀一間懷舊港式雞煲邊爐舖頭，龍鳳呈祥 @lungfung_chickenspot 地理位置超方便就喺地鐵站隔離！唔止咁呀，呢度仲提供好多自家研發特色食品，做形容非常搞鬼添！。招牌無骨鳳翼釀雞煲$278我哋兩個女仔食唔到好多，所以就諗住要個細雞煲，點知佢個細雞煲嘅份量真係超乎我嘅想像！簡直超級多雞翼！而且最完美嘅係唔使自己剝骨！新鮮滾熱辣，啖啖肉，全部裹滿晒醬汁。仲有好多配料，最好味嘅蘑菇，加埋八角等調料真係好新鮮！。龍鳳呈祥牛肉拼盤 $338呢個都非常豐富，除咗有我最愛嘅厚切牛肉之外，仲有我朋友每次打邊爐一定要點嘅肥牛。壹個價錢滿中你所有願望！牛肉肥瘦比例完美，勁新鮮！肉質都好靚，而且份量感人！。即制經典沙嗲牛肉餃 （8）$98呢個係我favorite，真係好正呀，沙嗲牛肉世一，內饀飽滿，口感Q彈，皮薄饀靚，加上滿滿嘅沙嗲汁！！！我真係好鐘意呀！。即制回味五香肉丁餃 （6）$78又係餃子啦，大家應該feel到我好中意食餃子，呢個係老闆推介俾我架，果然不愧為镇店之寶，真材實料，隻隻爆餡架！五香肉丁味好出，老
秋意漸濃，天氣都開始轉涼，又嚟到呢個適合打邊爐食雞煲嘅季節。今日就帶大家嚟到尖沙咀一間懷舊港式雞煲邊爐舖頭，龍鳳呈祥 @lungfung_chickenspot 地理位置超方便就喺地鐵站隔離！唔止咁呀，呢度仲提供好多自家研發特色食品，做形容非常搞鬼添！
。招牌無骨鳳翼釀雞煲$278
我哋兩個女仔食唔到好多，所以就諗住要個細雞煲，點知佢個細雞煲嘅份量真係超乎我嘅想像！簡直超級多雞翼！而且最完美嘅係唔使自己剝骨！新鮮滾熱辣，啖啖肉，全部裹滿晒醬汁。仲有好多配料，最好味嘅蘑菇，加埋八角等調料真係好新鮮！
。龍鳳呈祥牛肉拼盤 $338
呢個都非常豐富，除咗有我最愛嘅厚切牛肉之外，仲有我朋友每次打邊爐一定要點嘅肥牛。壹個價錢滿中你所有願望！牛肉肥瘦比例完美，勁新鮮！肉質都好靚，而且份量感人！
。即制經典沙嗲牛肉餃 （8）$98
呢個係我favorite，真係好正呀，沙嗲牛肉世一，內饀飽滿，口感Q彈，皮薄饀靚，加上滿滿嘅沙嗲汁！！！我真係好鐘意呀！
。即制回味五香肉丁餃 （6）$78
又係餃子啦，大家應該feel到我好中意食餃子，呢個係老闆推介俾我架，果然不愧為镇店之寶，真材實料，隻隻爆餡架！五香肉丁味好出，老闆真係好有創意呀！
。龍鳳呈祥[豐盛〕雜菜拼盤$128
好精致鬼馬嘅摆盘，好凸出懷舊香港嘅味道。真係好可愛，配合周邊環境氛圍，感覺好似穿越時空呀！菜品好齊全，蕃茄萝卜生菜娃娃菜全都有，而且很新鲜！
。自家製陳年鹹檸七 $38
打邊爐必備，老闆好夠意思，真係好正宗嘅鹹檸七，我個人比較鍾意鹹檸樂，吃完黎一大啖真係太爽喇！
张贴
