醉胡爐 (已搬遷) 新店位置

好耐無黎呢到打邊爐，雖然天氣熱左，不過人氣都無減，仲係咁多人黎食！今次試左花膠雞翅湯底，一上枱見到一大堆翅，同埋大量花膠，雞應該至少有半隻，湯底未飲都知甜啦！打邊爐最緊要係個湯底，湯底鮮甜，飲完都無口乾，花膠好淋好好食～今次仲試左肉眼邊爪，本身都唔知咩黎，不過爸爸話試下，花紋好靚，咬落好有口感，唔會太ｕｎ，有ｄ爽口，而且好濃牛味！另外想推介老友鬼鬼，配埋辣醬外脆內彈牙，我地仲試左浸湯，都好好味～黃金墨丸都好彈牙，入面咸蛋王流出黎好正！