影片
更多
2021-05-10
3627 浏览
Geo條👅評分：⭐️⭐️⭐️⭐️💫 (5⭐️最高）蒜香黑毛豬肋肉扁意粉 $108香煎比目魚 $168禽獸大會Pizza $148蒜香白酒煮蜆 $75水牛城雞翼 $58餐湯轉龍蝦湯 +$18Pizza轉套餐 +$38同媽咪食母親節飯就去咗呢間一直想再食嘅西餐廳食飯！我哋叫咗3個set再加咗兩個小食🤤🤤媽咪個餐就轉咗龍蝦湯🦞，我就飲set dinner嘅蘑菇湯，蘑菇湯有粒粒嘅蘑菇同好香好creamy，餐湯都唔差㗎！媽咪話佢個龍蝦湯都好鮮味同creamy☺️跟餐嘅沙律有麵包糠同脆卜卜嘅煙肉粒，媽咪話like💛主菜比目魚嚟喇，比目魚勁大塊，煎得啱啱好，魚肉鮮嫩多汁仲有啖啖嘅魚油，魚皮亦煎得好香脆，真心正！之前我都講呢間餐廳主菜嘅配菜都好用心去煮，我真係好鍾意食佢哋嘅煎番茄🍅，真係好好食，其他蔬菜好似茄子，蘿蔔仔同薯溶都好正👍🏻第二道主菜黑毛豬肋肉扁意粉，意粉彈牙唔會煮得過耐，黑毛豬肋肉配上啖啖蒜香，正！第三道主菜就係禽獸大會pizza😂，pizza用濃濃嘅芝士包裹住辣肉腸，火腿，牛肉，雞肉同洋蔥，每一啖都充滿禽獸嘅氣息😂🤣，鐘意大啖大啖肉嘅朋友仔值得一試，pizza餅底亦都好脆口👍🏻至於兩款小食就叫咗白酒
蒜香黑毛豬肋肉扁意粉 $108
香煎比目魚 $168
禽獸大會Pizza $148
蒜香白酒煮蜆 $75
水牛城雞翼 $58
餐湯轉龍蝦湯 +$18
Pizza轉套餐 +$38
同媽咪食母親節飯就去咗呢間一直想再食嘅西餐廳食飯！我哋叫咗3個set再加咗兩個小食🤤🤤媽咪個餐就轉咗龍蝦湯🦞，我就飲set dinner嘅蘑菇湯，蘑菇湯有粒粒嘅蘑菇同好香好creamy，餐湯都唔差㗎！媽咪話佢個龍蝦湯都好鮮味同creamy☺️跟餐嘅沙律有麵包糠同脆卜卜嘅煙肉粒，媽咪話like💛主菜比目魚嚟喇，比目魚勁大塊，煎得啱啱好，魚肉鮮嫩多汁仲有啖啖嘅魚油，魚皮亦煎得好香脆，真心正！之前我都講呢間餐廳主菜嘅配菜都好用心去煮，我真係好鍾意食佢哋嘅煎番茄🍅，真係好好食，其他蔬菜好似茄子，蘿蔔仔同薯溶都好正👍🏻
第二道主菜黑毛豬肋肉扁意粉，意粉彈牙唔會煮得過耐，黑毛豬肋肉配上啖啖蒜香，正！第三道主菜就係禽獸大會pizza😂，pizza用濃濃嘅芝士包裹住辣肉腸，火腿，牛肉，雞肉同洋蔥，每一啖都充滿禽獸嘅氣息😂🤣，鐘意大啖大啖肉嘅朋友仔值得一試，pizza餅底亦都好脆口👍🏻
至於兩款小食就叫咗白酒煮蜆同水牛城雞翼！白酒煮蜆有啖啖蒜香，食落清甜，仲有少少蘑菇同番茄仔一齊煮，將味道提高一層，阿媽表示好like👍🏻水牛城雞翼炸得脆卜卜有肉汁，但一定要點個汁，唔係就唔似水牛城嘅雞翼😂但佢分開個汁都有好處，就係可能考慮到有朋友仔唔食辣，可以因應自己食辣嘅程度而點個汁😊
最後本身想叫埋甜品寫Happy Mother’s Day，但我哋已經食到好飽lu，所以就下次再食！佢哋個朱古力心太軟都好正🤤🤤
张贴
