極上千島櫻海景放題 (已結業)

既然係新店，而且佢sell point 係望海景放題，當然要去試試了，如果要用生日優惠就一定要訂座前通知，否則入座後就無得優惠折扣。首先當日入座前店員表示需要坐6人台就必須每個人皆需使用安心出行，不能寫紙仔，而係訂座時店員無事前通知過，所以要值得留意準備了。餐廳雖然係日式放題，行日本風設計，但燈光上會讓人錯覺以為係快餐店感覺，原因係用左白光做燈光，氣氛比較似快餐店，幸好安排了窗邊望海景位置入座，都算係第一間望海景的放題店。如果戶外海景位置就要留意天氣溫度了。整體食物都係普通放題店提供的食材，反而吞拿魚的質素佢係拖羅的質素，雖然有根，但都入口溶化有豐富油脂。