金三角 (已結業)

天氣熱辣辣，要搵間冷氣夠涼又有冷冰冰野飲既餐廳🤣🤣今日揸車去到九龍城食泰菜，岩岩泊到車係打鼓嶺道標位😁😁轉角就係金三角。.呢間泰菜之前食過，係好抵食，不過鋪頭好細間🙈同無咩裝修，正宗既「小」店🤣 坐低就叫左啤酒同芒果沙冰 冰冰佢。沙冰叫涼浸浸，無另外加糖都好夠芒果香味。.天氣太熱，首先叫個涼菜「烤豬頸肉沙律$78」，豬頸肉加上酸辣汁包片片生菜，好開胃又抵食。「飛天炒通菜$53」好鍾意泰國通菜，夠幼身又嫩身，辣辣地簡簡單單。「香葉炒肉碎$58」唔知有冇人好似我咁鍾意食呢個其貌不揚嘅菜式🤣個醬料加上豆角仔炒埋好惹味，餸飯好夾，個人覺得好食過炒飯。「串燒類：串燒豬$14、雞翼$14」串燒燒得比較耐，要耐心等候，但值得等待，個人鍾意佢個醬汁。