泰城 (已結業)

早兩日在油麻地上完堂,同事兼同學丫dee話可以唔使去九龍城都食到正斗泰國菜,於是即管聽佢走去試下.餐面面積不算好大,但環境絕對干淨企理,丫dee話呢度最好食係海南雞飯同埋冬陰公湯,咖哩類 ...咁梗係試佢D拿手野啦,1> 海南雞飯 - 雞夠滑,胸位都咁滑,脾就唔使講啦,個飯係黃黃地色的,佢地叫椰香飯,無雞油的,夠健康,聞落陣陣蒜香兼椰香,但淨係食個飯就無乜味,點知丫dee話,老板教個飯要加少少泰式醬一齊食先帶到d真味出來, o下 ?? 咁怪雞 , 即管又試試 , 哇 ! 又真係幾正斗喔 ! 2> 冬陰公蝦湯 - 大蝦夠大隻 ,冬陰公一向俾我的感覺都係酸加辣的 ,今次呢個有d意思 ,口感好fresh ,好濃味,唔算辣 ,都幾一試難忘 !好味 !3> 青咖喱豬頸肉 - 青咖喱入面有D香草,d伙記話係金不換,幾特別,因為好少食泰國咖喱,少少辣少少少甜,送飯幾正斗,可以食成一大碗白飯. 4> 泰式麵士通菜 - 呢個都炒得幾香,係泰國的青通菜,唔似大排當食果隻粗白通菜...整體收費平,食品出色,但係就真係迫左少少,三個人,坐張小四方檯仔.