金象

今晚收工去咗長沙灣金象泰國菜試吓，估唔咁有驚喜！首先個椰汁雞湯真係要讚，湯底好香濃，椰奶味出得嚟又唔會蓋過香茅同南薑嘅香氣，雞肉夠滑，飲完成個身暖笠笠。

濕炒豬肉河粉鑊氣十足！河粉炒得夠濕潤但唔會一patpat，豬肉片醃得入味，仲有啲芥蘭段增加口感，個芡汁濃淡啱啱好，食到最尾都唔會覺得膩。

泰式蝦炒飯炒得夠乾身，蝦大大隻幾彈牙，飯粒分明，仲落咗少少泰式辣醬同雞蛋一齊炒，香口得嚟帶微辣，好開胃。

飲品方面，泰式奶茶茶味同奶味平衡，甜度適中，夠晒地道風味。老婆叫嘅珍多冰料足，椰奶香濃，綠粉條同紅豆煮得啱啱好，食完成餐飯飲返杯真係透心涼。

整體嚟講，價錢合理，份量夠，味道正宗，絕對會再encore！

2

1

1