影片
更多
2019-09-09
21 浏览
今日收工落銅鑼灣食個early dinner。行到呢條街咁多泰式野，我就決定入去呢間泰濃麵食下久違既船麵。呢度船麵係正常size，唔係一兩啖果啲。價錢又幾抵食。18:00前仲要唔洗加一，即係$68就食到一碗船麵喇。之前去完日本念念不忘，今日係餐牌度竟然見到飛驒和牛（$178），我就決定都豪啲點呢個！麵揀左金邊粉，湯底當然揀船湯。配料有兩粒魚蛋、一件蘿蔔、炸豬皮等。湯底濃郁，味道辣中帶酸，上面有啲辣椒蓉所以第一啖比較辣，之後開始就食得幾爽。金邊粉係幼身既，同口感同上海麵差唔多。另外點左泰式鳳爪（$48）。都有5隻，有咬口，味道帶辣，而且酸甜開胃。飲品點左泰式碟豆花（$28）。紫色非常吸引，味道酸味比甜味重，好啱我口味。呢度原來新開張，做埋下午茶，$48就食到指定三款其中一款船麵，份量同正價一樣，小食半價。宜家新張優惠，10月15日前食夠$50仲送小食，超抵食！
呢度船麵係正常size，唔係一兩啖果啲。價錢又幾抵食。18:00前仲要唔洗加一，即係$68就食到一碗船麵喇。
之前去完日本念念不忘，今日係餐牌度竟然見到飛驒和牛（$178），我就決定都豪啲點呢個！
麵揀左金邊粉，湯底當然揀船湯。
配料有兩粒魚蛋、一件蘿蔔、炸豬皮等。
湯底濃郁，味道辣中帶酸，上面有啲辣椒蓉所以第一啖比較辣，之後開始就食得幾爽。金邊粉係幼身既，同口感同上海麵差唔多。
另外點左泰式鳳爪（$48）。
都有5隻，有咬口，味道帶辣，而且酸甜開胃。
飲品點左泰式碟豆花（$28）。紫色非常吸引，味道酸味比甜味重，好啱我口味。
呢度原來新開張，做埋下午茶，$48就食到指定三款其中一款船麵，份量同正價一樣，小食半價。宜家新張優惠，10月15日前食夠$50仲送小食，超抵食！
张贴
