8 Eatery

营业中

休息中

作為威爾斯醫院附近既屋苑，愉翠苑係餐飲既選擇不算多，基本上都係連鎖式飲食集團既天下。由於依排電療期間，自己唔想食油炸類美式快餐，所以在幾分鐘既掙扎下，最終踏入8EATERY既大門。蒜香牛油鮮蝦扁意粉 ：蒜香味幾突出，蝦仁煎香後有少少焦香味，雖然係冰鮮蝦但肉類都爽口。至於意粉本身比較油，可能係因為要維持其爽滑口感的緣故，個人認為可稍為乾身一點。凍鴛鴦味道合格，不過不失。總括而言，這頓午餐對得住$65這價位。