鮨樂 (鱷魚恤中心) (已結業)

今晚約咗朋友去觀塘食飯，佢見我大長征去見佢😆於是佢搵咗一間近地鐵站而又坐得舒服嘅餐廳 《鮨樂》。地點真係好方便👍🏼係APM隔離嘅鱷魚恤中心，落雨都唔怕。餐廳又大又寬躺，有卡位有bar 枱，仲有d枱隔住屏風，私隱度都好高☺️一班朋友黎傾下計聚下都係唔錯嘅選擇。我地兩個志在聚下舊，所以都冇叫太多野食🤭。1️⃣青海苔味噌湯 $22並不是一般味噌湯咁簡單，入口有好鮮魚味😋同埋好多青海苔蓉係裡面..正2️⃣松 壽司盛盒 $178服務員提議由淺色開始食到深色，壽司飯嘅比例都剛好，唔會太大舊，魚生幾新鮮。3️⃣自家製免治雞肉串 $38熱辣辣嘅雞肉串再沾蛋黃汁一齊食，原來係咁夾嘅味，有趣有趣😆4️⃣甲羅燒 $88今晚推介再配埋白飯魚乾脆脆一齊食，有驚喜🤩白飯魚乾脆脆香口又脆口，有心思嘅製作。5️⃣高知縣柚子雪葩 $28食飽飽黎個柚子雪葩消下滯🤭唔太酸又可以refresh下，唔錯嘅甜品選擇。