利寶閣 (已結業)

同長輩食飯多數都揀中菜，就番佢地口味，今次就揀左呢間利寶閣。平時食粵菜都會嗌隻BB乳鴿，貪佢香口，細細隻肉質鮮嫩，又唔會乾爭爭。呢間嘅乳鴿比起平時除咗更加juicy，佢個皮仲燒得好香好脆，咬落去個下就會feel到啲肉汁同個皮配合得天衣無縫乳鴿之後既菜式係浸海班，條魚佢係原條上，個湯入面有雲耳，蕃茄，西芹，蘿蔔等等，煮完出嚟個湯勁白 ! 飲落去個下好清甜，淡淡嘅湯更加突顯到條魚嘅鮮味平時少食羊腩煲，見到餐單有就叫左個嚟試下，依度啲羊腩煲材料有羊腩、枝竹、唐生菜等等，配埋佢特制既醬汁，煲到好淋好入味最後我地叫左個佛跳牆，係依度推薦既食物，依度既佛跳牆好足料，有原隻鮑魚、海參、魚翅、花膠等靚料，飲落好清甜，長輩食得好滿足