敏華冰廳 (衛星閣)

营业中

休息中

太古鰂魚涌呢區都開左好多間類似有常餐食既餐廳，雖然常餐係最普通既，但都唔係間間整到一個正常質素既常餐。敏華每日食lunch時間條龍都排到轉埋彎，不過等位既時間又唔算好長既。佢有常餐，都有叉燒蛋飯、餐蛋飯同埋鮮牛豬潤湯粉食。叉燒蛋飯我都食過一次，係幾厚切既，味道都唔錯。今次食常餐就叫左五香肉丁麵。佢跟麵既送量唔少，而且麵唔會淥到好林。炒蛋都滑，而塊多士，厚同大塊又烘得夠之外，一路食會食到佢有陣甜甜地既味，個人覺得係唔錯既。凍華田都夠味，唔會又水又淡咁。正如一開始所講，常餐都唔係咩好難整既野，但整得正正常常已經算係咁。以地區黎講係正常價錢，但其實唔平。