滾喜火鍋專門店 (已結業)

今日假期出咗星期日買野，行到夜晚又到食飯時間，經過西洋菜街見到呢到有間新開的滾喜火鍋店，主打係正宗火鍋同麻辣雞煲，今日天氣又凍，打邊爐就啱啦。一坐低有啲口渴，叫咗一渣竹蔗茅根水，好足料，竹蔗茅根味重，但有啲太甜，唔飲得太多麻辣雞煲，大，中辣，芫茜同洋蔥份量多，新鮮，食落好清甜，雞的份量都唔少，肉質嫩滑，唔肥，不過唔算太辣，少少微辣，適合唔太食辣的人試下手切安格斯牛，大，切得尚算厚，咬落有口感，牛肉味重，雪花脂肪分佈均勻手打五寶拼盤，有牛丸，墨魚丸，蝦丸，肉質都好彈牙，鮮甜，特別係蝦丸，個心入面仲有芝士同蛋黃，食落味道又幾夾手打蝦滑，面有好多蟹籽，蝦滑打到起晒膠，煮熟之後十分彈牙，蝦味重，食得出係用新鮮的蝦肉打的仲有個響鈴，即製，好香脆，食落唔油膩。