麻辣串串香

营业中

休息中

荃灣真係好多好食嘅米線，出名嘅已經全部都過晒，最近見到有人介紹，呢間麻辣串串香嘅米線都好出色，咁就一於嚟試吓啦。因為成日食米線已經食到好悶，所以我就雲南米線大辣轉烏冬+鵝腸萵筍，估唔到真係幾出色，問落味道好香，而且份量好多，鵝腸咬落同烏冬好襯，真係值得一試。另外，呢度仲有好多串燒，本身我最鍾意食嘅燒雞中翼好唔錯，除咗價錢平之外，雞翼好大隻，而且調味啱啱好，雞肉亦都好嫩滑，非常推薦大家試吓。蒜蓉燒生蠔都好值得讚，因為價錢一啲都唔貴，而且生蠔好大隻，冇乜調味，但係食落好香口亦都好滑，鍾意食生蠔嘅人真係唔可以錯過呀！老闆話而家下午茶2:30-5:30時段，凡惠顧雲南米線系列，加兩個餸，仲送凍飲品一杯，真係好抵。呢間餐廳又平又抵食，非常推薦大家嚟試吓。