川婆婆 (寶勒巷) (已結業)

香港近年好多人食麻辣，要搵一間正宗就真係唔易，其實我覺得火窩嚟講，最基本係湯底，如果連湯底都唔掂就唔洗再講了。好在呢間川婆婆個麻辣湯底一流，而蟲草花湯底又夠香，夠甜，麻辣湯底就除咗辣之外，麻同辣個比例剛剛好。剛剛講咗係湯底，而家講食材，依家一條街最少都有2間火窩店，其中一間係火窩放題，可能係百幾蚊左右，雖然係平但食材方面就十分參差，而呢間川婆婆價格屬中等，但食材質素十分新鮮。豬腸份量足夠，而食落去口感唔覺得肥膩。蓮藕好爽脆。牛肉好有牛味。總結，地利同食物都好值得推介。