蘇媽.蘇媽馬來西亞茶餐室 (已結業)

尖沙咀有好多嘅餐廳選擇，但「蘇媽蘇媽」絕對係其中一間必試嘅好去處！佢哋非常方便，地鐵站都只需要行一條街就到 當你喺炎炎夏日行街攰咗，一杯「桔仔話梅冰」真係可以即時令你極速降溫、重新充電。桔仔嘅酸甜配上話梅嘅微鹹，飲落口唔單止清涼，仲可以解暑。 另一款「冬瓜龍眼茶」呢，淡淡嘅甜味喺口中散開，再帶啲龍眼嘅香氣，比桔仔話梅冰淡，但一樣係消暑良品！食物方面，「高老面配雞扒」高老面口感有小小似炒麵，但又冇炒麵咁乾，再加上雞扒好香脆「百吉爹肉骨茶」係另一個重頭戲。濃厚嘅湯底，配上新鮮嘅肉骨，飲落口好c服，但係可以熱小小上，會再好味啲，真係滋味十足，仲會有另一碗肉骨茶嘅肉俾你點醬，真係幾抵。最後，「椰香咖央多士」遠近馳名嘅咖央多士，嚟到香港依然食到原汁原味，香脆嘅多士上面鋪滿椰香嘅咖央醬，甜中帶點椰子嘅香氣，真係食完都仲記得嗰個味。