麥金.麥金馬來西亞特式茶啡室 (已結業)

阿女同事介紹大角咀麥金.麥金馬拉特式茶啡室，是一間馬來西亞娘惹菜餐廳。價錢實惠，食物味道都唔錯，肉骨茶更加可以無限添飲！今晚就嚟試下！大滲配料有三層肉、一字骨、雞腳、豬手仔、豆卜、金菇、豬肚，非常足料豐富，每種食材都煮得非常入味，湯底肉骨茶使用甘草、當歸、桂皮、玉竹、黨參、川芎、杞子及紅棗等多種中藥材熬製而成，味道濃郁，每啖都有香濃的藥材味，重可以無限添飲。黃薑飯不帶辣味，而有一股特別的幽香。娘惹叻沙，湯頭呈啡黃色，仲有唔少紅油，顏色上已經令人好開胃，味道順喉不膩，蝦香同椰奶味都突出。配料上都好正宗，有蜆、蝦、豆卜、雞蛋、芽菜同魚片，蜆肉鮮甜冇腥味，蝦肉彈牙，麵條掛湯非常惹味。椰香咖央多士，咖央醬入口先有椰香，然後斑蘭香及蛋香，內有半溶牛油，讓咖央醬味道更豐厚更有層次。木瓜鮮牛奶，木瓜散發出的香甜感，加到濃醇的牛奶裡，像是奶昔般醇厚。馬來西亞拉茶，奶味茶味恰到好處，入口順滑。