影片
更多
2019-12-03
1062 浏览
尖沙咀至多韓國美食🥘🍲，想嚟食正宗韓燒梗係去尖沙咀啦。呢間餐廳係真正韓國大廚炮製👨🍳，所以味道超正宗，之前TVB「搵食飯團」都有介紹過呢間餐廳，去到門口見到好多韓星Oppa 嘅宣傳牌，認真架勢堂！😎不過我一個都唔識，不得不承認我老了🙈。Oppa店員先送上韓式小碟，有酸蘿蔔、雜菜🥗、豆卜、菇🍄、南瓜🎃，當然唔少得韓國辣泡菜。之後Oppa 店員又突然捧左一客焗蛋過嚟，仲以為係送錯，一問之下，原來係送嘅，個蛋超好味，焗得好香，表皮焗到一層薄薄地嘅金黃色，再加上青椒、紅椒同洋蔥，紅紅綠綠嘅顏色，未食都已經流晒口水，食完仲更加流口水，個蛋表面好香脆，內裡嘅蛋又嫩又滑，不過好可惜無得追加。必食推介當然係八色珍味拼盤，有3款選擇，我哋揀嘅係4色五花肉🐷🐷 + 牛肉🐮🐮，有辣椒醬、黑椒、大醬同埋蒜蓉，五花肉卷成一個餅咁，賣相精美又夠晒睇頭，先用兩大舊肥膏搽勻成個爐，燒出嚟嘅肉特別香口。五花肉卷開都好長，而且厚切好有質感，而且食落唔會太肥膩。另外仲有調味烤裏脊、調味烤排骨、牛舌、雪花牛肉。好有牛味呀🐮！嫌熱氣得滯仲可以加啲生菜包埋一齊食，一嚟無咁熱氣，二嚟可多一種口感，有啲清新嘅感覺。仲可以加少少唔同
尖沙咀至多韓國美食🥘🍲，想嚟食正宗韓燒梗係去尖沙咀啦。
呢間餐廳係真正韓國大廚炮製👨🍳，所以味道超正宗，之前TVB「搵食飯團」都有介紹過呢間餐廳，去到門口見到好多韓星Oppa 嘅宣傳牌，認真架勢堂！😎不過我一個都唔識，不得不承認我老了🙈。
Oppa店員先送上韓式小碟，有酸蘿蔔、雜菜🥗、豆卜、菇🍄、南瓜🎃，當然唔少得韓國辣泡菜。
之後Oppa 店員又突然捧左一客焗蛋過嚟，仲以為係送錯，一問之下，原來係送嘅，個蛋超好味，焗得好香，表皮焗到一層薄薄地嘅金黃色，再加上青椒、紅椒同洋蔥，紅紅綠綠嘅顏色，未食都已經流晒口水，食完仲更加流口水，個蛋表面好香脆，內裡嘅蛋又嫩又滑，不過好可惜無得追加。
必食推介當然係八色珍味拼盤，有3款選擇，我哋揀嘅係4色五花肉🐷🐷 + 牛肉🐮🐮，有辣椒醬、黑椒、大醬同埋蒜蓉，五花肉卷成一個餅咁，賣相精美又夠晒睇頭，先用兩大舊肥膏搽勻成個爐，燒出嚟嘅肉特別香口。五花肉卷開都好長，而且厚切好有質感，而且食落唔會太肥膩。
另外仲有調味烤裏脊、調味烤排骨、牛舌、雪花牛肉。好有牛味呀🐮！
嫌熱氣得滯仲可以加啲生菜包埋一齊食，一嚟無咁熱氣，二嚟可多一種口感，有啲清新嘅感覺。仲可以加少少唔同嘅醬料調下味。
食咁多熱氣嘢，梗係要降下火啦，我至愛嘅水冷麵又點可以唔叫呢。麵質爽口冰涼，有雞蛋、蕃茄🍅、青瓜伴碟🥒，清涼又可以消油膩感。
好一餐美味嘅韓燒！😍不得不提呢度嘅抽風系統做得好好，食完件衫都唔會吸晒啲味！絕對一大讚！！👍👍👍
张贴
