影片
更多
2025-02-06
261 浏览
小菜大讚！🤩落咗單，店員就會上總共七款嘅小菜，仲多過部份韓國嘅餐廳，仲要款款味道都好出色，特別鍾意薯仔、泡菜（脆嗰款）、茄子、菠菜、豆腐 （其實都真係講晒咁滯😂） 雖然唔可以無限添加，但係都可以揀兩款小菜各添加一次👏 醬油蟹（牛油飯免費） $250（1pc）12月喺韓國食完一直都念念不忘，見到有得食，梗係叫一隻試吓啦🙈 呢款醬油蟹醬有冇咁鹹同埋冇咁濃味，夠甜味。蟹膏肥美滑溜溜，夾埋紫菜飯一齊食一定係指定動作，所以唔使額外加錢叫飯佢都算識做！🙊紫蘇油煎豆腐 $128豆腐狂朋友點嘅，豆腐係煎得外皮帶有少少焦香，而內裡嫩滑嘅，紫蘇葉嘅香氣滲入豆腐，但唔算好出，正正常常，配埋醬汁就濃味啲。6嚿都幾大嚿會飽🤣蒸雞蛋羹 $80雞蛋羹好足料，有唔同蔬菜，亦都好大碗，蛋味濃郁，好香烤同麻油味，唔水，熱辣辣好暖胃😋不過，火喉要再掌握好啲，個底有輕微嘅焦。海鮮蔥煎餅 $138足料，唔粉，大份，推薦🤩煎餅外皮煎得好香脆，內裡帶有彈牙嘅海鮮，材料豐富，有蝦肉、魷魚同青蔥等。煎餅厚薄適中，唔會太油膩，配埋特製嘅醬汁一齊食，酸甜微鹹，味道更加突出！海鮮嫩豆腐鍋（有飯） $158一樣推薦☺️ 湯底鮮，辣度啱啱好，唔會
大讚！🤩落咗單，店員就會上總共七款嘅小菜，仲多過部份韓國嘅餐廳，仲要款款味道都好出色，特別鍾意薯仔、泡菜（脆嗰款）、茄子、菠菜、豆腐 （其實都真係講晒咁滯😂） 雖然唔可以無限添加，但係都可以揀兩款小菜各添加一次👏
醬油蟹（牛油飯免費） $250（1pc）
12月喺韓國食完一直都念念不忘，見到有得食，梗係叫一隻試吓啦🙈 呢款醬油蟹醬有冇咁鹹同埋冇咁濃味，夠甜味。蟹膏肥美滑溜溜，夾埋紫菜飯一齊食一定係指定動作，所以唔使額外加錢叫飯佢都算識做！🙊
紫蘇油煎豆腐 $128
豆腐狂朋友點嘅，豆腐係煎得外皮帶有少少焦香，而內裡嫩滑嘅，紫蘇葉嘅香氣滲入豆腐，但唔算好出，正正常常，配埋醬汁就濃味啲。6嚿都幾大嚿會飽🤣
蒸雞蛋羹 $80
雞蛋羹好足料，有唔同蔬菜，亦都好大碗，蛋味濃郁，好香烤同麻油味，唔水，熱辣辣好暖胃😋不過，火喉要再掌握好啲，個底有輕微嘅焦。
海鮮蔥煎餅 $138
足料，唔粉，大份，推薦🤩煎餅外皮煎得好香脆，內裡帶有彈牙嘅海鮮，材料豐富，有蝦肉、魷魚同青蔥等。煎餅厚薄適中，唔會太油膩，配埋特製嘅醬汁一齊食，酸甜微鹹，味道更加突出！
海鮮嫩豆腐鍋（有飯） $158
一樣推薦☺️ 湯底鮮，辣度啱啱好，唔會過火但又夠刺激🙈 嫩豆腐都係滑捋捋，入面嘅海鮮亦唔馬虎，蝦、魷魚彈牙，蜆都唔少，配埋白飯食，真係有韓國餐廳水準☺️
🫰結論
好味度：8/10
賣點：正宗、坐得舒服、份量足夠
🎡餐廳資料
餐廳名稱：韓雅林
餐廳地址：銅鑼灣軒尼詩道489號銅鑼灣廣場一期6樓
營業時間：星期一至日 11:30-15:00 & 17:30-23:00
张贴
