影片
更多
2023-07-19
940 浏览
上次試完任飲2小時 ʙᴜɴᴄʜ 冇食到燒肉，意猶未盡所以今次再訪。睇 ᴍᴇɴᴜ 有超多選擇，除咗烤肉仲有好多韓式食品，例如有炸雞、煎餅、醬油蟹、冷麵 etc。○ 韓 珍 特 級 豬 肉 套 餐 ( 二 人 前 ) // $778最後揀左個烤豬肉套餐～ 同上次一樣落完 ᴏʀᴅᴇʀ ，店員就上好多小碟開胃前菜，包括泡菜、酸蘿蔔、海草沙律、醋醃昆布、醃蘿蔔、南瓜等，望落七彩繽紛，食欲大增 ( ≖ᴗ≖)仲有大大碗翠綠生菜沙律，重點係全部前菜食完可以再添。 ♢ 宮 廷 九 節 板 薄餅包埋翠玉瓜絲、青瓜絲、蛋絲、紅蘿蔔絲、炒牛肉絲、 蘑菇絲、豆芽一齊食，再配埋芥末醬油，感覺清新健康。 ♢ 韓 式 涼 拌 青 瓜 青瓜浸泡住柚子汁，中間夾雜住冬菇+甜椒絲，清爽開胃。 ♢ 炸 蛋 梳 乎 厘 平時韓燒通常都有爐邊烤雞蛋，依個係熱鍋上， 趁熱食有超誇芝士拉絲！質感超蓬鬆，蛋味香濃。 ♢ 蜂 窩 五 花 腩 如其名用刀𠝹成一格格，好似蜂巢格咁， 第一眼見到肥瘦分明以為好肥膩； 烤爐熱左之後，先用豬油渣搽滿成個烤爐，防止燒焦。 首先成條攤平係爐面燒兩面，等差不多熟就細剪成一口份量， 慢
○ 韓 珍 特 級 豬 肉 套 餐 ( 二 人 前 ) // $778
最後揀左個烤豬肉套餐～ 同上次一樣落完 ᴏʀᴅᴇʀ ，
店員就上好多小碟開胃前菜，包括泡菜、酸蘿蔔、海草沙律、
醋醃昆布、醃蘿蔔、南瓜等，望落七彩繽紛，食欲大增 ( ≖ᴗ≖)
仲有大大碗翠綠生菜沙律，重點係全部前菜食完可以再添。
♢ 宮 廷 九 節 板
薄餅包埋翠玉瓜絲、青瓜絲、蛋絲、紅蘿蔔絲、炒牛肉絲、
蘑菇絲、豆芽一齊食，再配埋芥末醬油，感覺清新健康。
♢ 韓 式 涼 拌 青 瓜
青瓜浸泡住柚子汁，中間夾雜住冬菇+甜椒絲，清爽開胃。
♢ 炸 蛋 梳 乎 厘
平時韓燒通常都有爐邊烤雞蛋，依個係熱鍋上，
趁熱食有超誇芝士拉絲！質感超蓬鬆，蛋味香濃。
♢ 蜂 窩 五 花 腩
如其名用刀𠝹成一格格，好似蜂巢格咁，
第一眼見到肥瘦分明以為好肥膩；
烤爐熱左之後，先用豬油渣搽滿成個烤爐，防止燒焦。
首先成條攤平係爐面燒兩面，等差不多熟就細剪成一口份量，
慢慢燒到四面焦脆，封鎖肉汁，
食既時候點埋附上既三款調味料 (韓式辣醬/麻油/粗鹽)
配生菜捲埋一齊食，真係人間極品 ~
♢ 調 味 豬 排 骨
近骨位既部位有多少少脂肪，而且肉質比較爽口，
份量都幾多，加埋泡菜/醃蘿蔔一齊食，突出豬肉既鮮甜。
♢ 特 級 豬 頸 肉
雖然重油脂但肉質爽口彈牙，真係忍唔住口食左超多塊，
建議燒耐少少，可以將油盡量逼出，同埋邊緣可以燒到焦脆。
♢ 豬 肩 肉
肉質厚實 ᴊᴜɪᴄʏ，爽口彈牙。
建議夾泡菜食，可以中和油膩感。
♢ 蔬 菜 拼 盤
♢ 葛 根 辣 拌 冷 麵
每次食燒肉臨尾必定會點既菜式，
冷麵汁酸酸辣辣加埋有冰塊，消暑開胃。
配料有蛋絲、青瓜、蘿蔔、甜梨 + 半隻蛋，賣相幾靚。
食之前記得用較剪剪幾下，將麵條同醬汁撈勻。
麵條爽滑幼細超.級.煙.韌，而且好入味。
得加埋附上既兩種醬汁---醋+韓式水芥辣，非常清新解膩。
○ 烤 芝 士 // set + $98
將芝士燒融後放係燒肉上面，拉絲繞圈食，真係十級邪惡 •̀֊•́⸝⸝)
○ 韓 式 手 作 雪 糕 // $28
有 4 款獨特口味，包括豆腐、益力多、ᴇsᴘʀᴇssᴏ、ᴍᴀɢᴏʟɪ。
試左其中兩款，ᴍᴀɢᴏʟɪ 質感比較幼滑，益力多偏冰感，
兩款味道都好突出，味道清新唔甜膩，作為結尾剛剛好 ♡ʾʾ
餐廳平日夜晚都好爆場，人氣極高。環境舒適座位寬趟，另外仲設有包箱房間。最緊要係通風系統做得好，食完唔會一身燒烤味。燒肉套餐好抵食，一次過試到多種唔同部位有唔同質感 + 味道。想要食到有高質肉類，價錢又親民既韓燒，建議一試！
ꕀ
FOLLOW IG @ FISWEET.
张贴
