麻浦元祖 (已結業)

亞厘士道好多美食，今日我就擇左呢間韓式餐廳，叫MaPo BBQ。店內的裝修以黑色為主，每張枱有獨立抽氣扇，方便抽走烤燒時產生的煙味。一坐下來服務員非常貼心，有禮，為我們準備了很豐富的配菜。我們主要叫了三道肉，第一道係麻蒲特上豬排，第二道係特級王牛肋骨肉，第三道係排梅五花肉。麻蒲特上豬排：豬排肉質細嫩，加上事先醃製處理過，烤完不用加上配料，直接單吃已經很好味。當然，大家也可包上生菜，及其他配料，口感也很好。特級王牛肋骨：牛肋骨肉脂肪分佈平均，加上醃料味道剛剛好，食落口肉質嫩滑鬆軟，又充滿住油香，非常美味。值得推介！排梅五花肉：食韓燒當然要食五花肉啦！咁岩今日想哎佢地嘅五花肉時，待應推介左佢地嘅新產品—排梅五花肉俾我地試。待應介紹呢款肉係冇經醃製嘅，可以食到佢本身的原有肉味，而呢款五花肉特別厚身，肥瘦相間，賣相非常吸引。期間待應都好好，會幫我地燒好再剪埋，五花肉兩面燒到有少少金黃。就咁食，會食到肉的鮮味，油的香氣，而配上生菜和辣醬，亦非常惹味！食左咁多豐富美食，埋單每位只需$248乍！