韓珍 (帝國中心) (已結業)

韓燒達人話同我食番餐正宗嘅韓國燒烤，說呢度係由韓國人親自主理嘅。鋪坐下便送上多款配菜，至like佢個酸洋蔥🧅，開胃又醒神，其他的韓國前菜都很美味啊。點了🍽八方美人餐牛舌、雪花肥牛、豬頸肉、護心肉、豬頰肉、醬油雞肉、烤大蝦同鮮鮑魚。牛舌切得夠薄，輕鬆煎一陣便可以食用。雪花牛肉牛味豐富肥瘦均勻，有滿滿油脂香味。豬頸肉、護心肉、豬頰肉、醬油雞肉都各有千秋，夾埋菜同醬料好夾。食到鮑魚跟大蝦時，店員見差不多熟的時候，會幫我們剪開同處理好，好讓我們方便食用，很貼心啊！呢個套餐很抵食，合晒我地口味，滿足晒各樣都想食嘅我哋。還有點了我至愛的牛肋骨湯，味道果然正宗，湯飲落鮮甜，牛肋肉口感結實彈牙，堅真材實料，原來仲有碗飯附上，真係飽到不行了😃。