正牌沙田雞粥 (已結業)

🐔沙田雞粥好出名， 細細個就聽過呢個名😋，但係住港島嘅我就未試過。原本喺大圍做咗四十年嘅沙田雞粥，因為敵不過業主加租，最近搬舖去咗西環，終於同屋企人食到正宗雞粥嘅好滋味 。💗呢度除咗有雞粥，仲有好多小菜。🥢🐔雞粥超正，粥底綿滑💗，雞肉好有鮮味，食材新鮮。😋另外仲叫咗魚腩粥同瑤柱肉碎粥，試多幾款，一樣正。❤️小菜叫咗豉汁蒸魚雲🐟，魚雲又滑又香，🥰仲有沙拉蝦球🍤同咕嚕雞球🐔，酸咪咪好開胃，食得超級飽。