影片
更多
2019-09-13
32 浏览
太耐無食過麻辣火鍋了，雖然香港人可以一年365日都打邊爐，但係夏天都有少少影響到胃口，不太想吃太辣太熱的東西，但今天麻辣火鍋癮起，決定要去拾下拾下！！ 上網搵下食邊間好，見到渝味曉宇係2014年《舌尖上的中國2》推介的重慶火鍋店，好似好吸引😍而且有4間分店位置都好方便，所以係港島番工的我放工後便來到灣仔分店。一入鋪有塊版介紹重慶著名火鍋店排行，清楚見到渝味曉宇係排行榜第1名XD。 去到時已經聞到好香既牛油麻辣味道，店舖裝修呈少許中國風，整體座位都唔算太迫，兩個人也給我們四人座位，枱面夠大，叫多幾碟都唔怕無位放👍🏻👍🏻一坐底店員先送上兩碗雪耳糖水，話可以係覺得好辣時幫助解辣，十分貼心，而且糖水雖然係送既但唔馬虎，好足料同幾好味，真係想問佢拎多碗😂再來選擇湯底，款式十分多，有辣有不辣，以人頭計算$38/位，我們最後選擇了蕃茄鴛鴦鍋，一個辣和一個不辣，方便配搭不同菜式。美國客格斯肥牛(半份)客格斯就是牛味重，配搭埋曉宇既招牌麻辣湯底，真係十分過癮。而且肥牛油脂分布唔錯，唔會過肥過瘦。稻田毛肚(半份)毛肚好爽口，切到大大塊，十分有口感。現炸豆皮(半份)非常大塊而且好脆，豆味十足，唯一比較唔好
一入鋪有塊版介紹重慶著名火鍋店排行，清楚見到渝味曉宇係排行榜第1名XD。 去到時已經聞到好香既牛油麻辣味道，店舖裝修呈少許中國風，整體座位都唔算太迫，兩個人也給我們四人座位，枱面夠大，叫多幾碟都唔怕無位放👍🏻👍🏻
一坐底店員先送上兩碗雪耳糖水，話可以係覺得好辣時幫助解辣，十分貼心，而且糖水雖然係送既但唔馬虎，好足料同幾好味，真係想問佢拎多碗😂
再來選擇湯底，款式十分多，有辣有不辣，以人頭計算$38/位，我們最後選擇了蕃茄鴛鴦鍋，一個辣和一個不辣，方便配搭不同菜式。
美國客格斯肥牛(半份)
客格斯就是牛味重，配搭埋曉宇既招牌麻辣湯底，真係十分過癮。而且肥牛油脂分布唔錯，唔會過肥過瘦。
稻田毛肚(半份)
毛肚好爽口，切到大大塊，十分有口感。
現炸豆皮(半份)
非常大塊而且好脆，豆味十足，唯一比較唔好係半份得3塊唔夠分，全塊又太多。
曉宇嫩牛肉(半份)
身為牛魔王，一定要叫牛，名有曉宇估計係店家推介/自慢款式，果然牛肉十分嫩滑，雖然經過特別處理，但不失牛味，非常好食。
手打蝦滑(半份)
蝦味十足，爽口彈牙。
鮮蝦雲吞((半份)
唔好睇佢細細隻，其實每隻都有一隻蝦，調味適中。
牛心掟(半份)
第一次食牛心掟，非常爽口特別，半份既份量比樣中多。
鮮鵝腸(半份)
好長好大條，清潔得乾淨，爽口
重慶炸酥肉(半份)
炸得好鬆脆，本身已經有味，就咁食又得，放入火鍋浸下先食又得。
紅糖慈粑(半份)
紅糖慈粑係我最愛，但成日兩個人叫一份實在太多，依家半份4件岩岩好，慈粑軟糯煙韌。
曉宇苕粉
其實即係薯粉，就算煮好耐都唔會散同保持到口感。
最後仲有叫左蔬菜，食火鍋都要盡量健康點。
整體味道十分出色，環境也不錯，體現到真正的重慶風味，而且湯底選擇多，雖然是重慶火鍋店但也有不辣的湯底，對不吃辣的朋友也十分友善，而且菜式可以選擇一份或半份，無論是一大班朋友來聚餐或兩口子拍拖也可以選擇多點不同款式試，不會怕大家因口味問題而爭吵。最後要讚下店員既服務，非常友善，經常會留意一地有咩需要，和為我地添茶👍🏻👍🏻👍🏻
推介指數:
张贴
