影片
更多
2022-10-20
54 浏览
男朋友係大學時去過重慶做intern，一直好鐘意食重慶火鍋，今日一入到川婆婆佢就話間餐廳同陣味都好似重慶當地咁！大家已經好期待啲食物！我地叫左A餐新鮮農場靚牛海鮮串串套餐（$358）。湯底叫左鴛鴦鍋，茶底麻辣鍋併養生菌王雞湯。茶底係全港首創，係麻辣鍋中加入茶，就會滋潤啲無咁熱氣，而茶底都有得揀，我地要左菊花茶，好似潤過玫瑰花茶同桂花茶。最近好多任食邊爐鋪都會附送雞煲，而今次哩間雞煲係我食過最入味最好食既!套餐包每人各揀一款牛，我地叫左牛頸脊同牛小排，海鮮就包左鮑魚、蝦、貴妃蚌同花甲。出面串燒就任拎。男朋友話重慶都係咁樣一串串叫，但重慶就係磅返食完既竹簽有幾重去計錢，哩到就係任拎🤭 款式都好多元化，有金菇肥牛卷、魷魚、牛栢葉、午餐肉、丸類…男朋友大推醃牛肉，話超好食，但我就覺得辣左啲🤭反而我最鐘意係粉條（紅薯粉），索晒打邊爐湯底啲味一流😆特別一提哩到任飲玻璃樽裝既可樂、忌廉、芬達、Soda water等，用玻璃樽個感覺妳懷舊好正，而且玻璃樽通常都有氣啲！如果想食返重慶味道，真係首推哩間，男朋友哩啲嫌尖食家都大讚好食👍🏻
我地叫左A餐新鮮農場靚牛海鮮串串套餐（$358）。湯底叫左鴛鴦鍋，茶底麻辣鍋併養生菌王雞湯。茶底係全港首創，係麻辣鍋中加入茶，就會滋潤啲無咁熱氣，而茶底都有得揀，我地要左菊花茶，好似潤過玫瑰花茶同桂花茶。
最近好多任食邊爐鋪都會附送雞煲，而今次哩間雞煲係我食過最入味最好食既!
套餐包每人各揀一款牛，我地叫左牛頸脊同牛小排，海鮮就包左鮑魚、蝦、貴妃蚌同花甲。
出面串燒就任拎。男朋友話重慶都係咁樣一串串叫，但重慶就係磅返食完既竹簽有幾重去計錢，哩到就係任拎🤭 款式都好多元化，有金菇肥牛卷、魷魚、牛栢葉、午餐肉、丸類…
男朋友大推醃牛肉，話超好食，但我就覺得辣左啲🤭
反而我最鐘意係粉條（紅薯粉），索晒打邊爐湯底啲味一流😆
特別一提哩到任飲玻璃樽裝既可樂、忌廉、芬達、Soda water等，用玻璃樽個感覺妳懷舊好正，而且玻璃樽通常都有氣啲！
如果想食返重慶味道，真係首推哩間，男朋友哩啲嫌尖食家都大讚好食👍🏻
张贴
