廚十三老壇酸菜魚 (太子集團中心) (已結業)

香港人最近都非常鐘意食下酸菜魚，因為始終都唔可以成日食打邊爐嫁嗎，哈。黎到呢間廚十三，正唔正宗就唔知，但食落味道都唔錯。首先，湯底辣度係無得擇既，但師傅調味就唔錯，唔會太辣，因為不能不單會破壞酸辣既平衡，更加會食唔出魚既鮮味同肉質。所以食太辣係本未倒置既。 今次呢間就拎到個唔錯既平衡喇，就算唔太食得辣既朋友都可以黎試下。魚肉都算幾多，而且食落係好彈牙果隻，唔似係d冷藏魚咁，肉質死古古咁，食落幾有魚味，夠曬正，2-3人份量黎講，2個人食就夠曬滿足喇。配料方面，選擇都幾多下，有成20-30款擇，本人就最鐘意佢個午餐肉，同打邊爐一樣，哈，可以吸曬d湯既辣度，魚既鮮味，食落正。由於餐廳未有酒牌，唔可以點酒，但大家可以自己落街買，再黎上去飲仲更加平靚正。