越式拼盤
呢個越式拼盤有齊幾款唔同嘅小食。
鮮蝦米紙卷-呢個小食係越南嘅一個涼菜，蝦肉喺薄薄嘅米紙裡面，口感清新開胃，喚醒味蕾。
香茅雞翼-外焦內嫩，陣陣香茅味道，惹味可口。
越式春卷-內餡豐富，炸得金黃咬酥脆，配埋酸酸嘅醬汁，亦都係好開胃嘅小食。
扎肉-有微微嘅鹹香，有嚼勁。
青木瓜蝦沙律
呢個沙律好特別，望落好似一碟麵，木瓜絲切得幼細得黎好有口感，而配上嘅蝦都係鮮嫩，配料仲有扎肉絲、花生，份量好十足嘅開胃菜。
香茅雞扒撈檬
雞扒整得金黃均勻，肉質鮮嫩唔乾身，入口仲有陣陣香茅味道又香口。
1
牛肉法包
法包外脆內軟，香嫩嘅牛肉又多汁，配埋內裏嘅蔬菜，食落唔膩仲好夾。
