第一郡 (已結業)

幾年前喺深水埗食過一次覺得平靚正，而加喺港島都有得食。餐廳位置都幾難搵，但星期三晚黎到都有坐滿一半。可惜當日八點左右，所有甜品、椰子水同米紙卷都賣哂，令人失望。越式法包香港食過一間係又硬又乾，但依到就做到外脆內軟，咸香札肉配上醃蘿蔔絲，食落酸酸甜甜，十分開胃。朋友第一次食都話比想像中美味，值得推介。蟹膏蕃茄湯檬粉另外加左份蟹膏，食到甘香，蟹味濃郁。湯底清甜，唔會搶左蟹膏嘅味道。順化牛展米線店員推介嘅，但個人就覺得普通。因香港食牛粉麵出色嘅店舖太多，相比下唔算特別出色，豬手亦唔夠腍。牛油果沙冰依杯係我喺香港飲過最好飲嘅牛油果沙冰，因為我好怕飲到碎冰粒，依杯依係milkshake多過smoothie,同我自己整嘅味道一樣，飲得出好足料。