蜜越 (已結業)

正宗越南小食米紙蝦卷 ($28)米紙黏度岩岩好，蝦肉都算新鮮嘅，配埋入面嘅檬粉，口感都幾好。碌冧汁酸酸甜甜，魚露味道好香，食落好開胃😋。不過份量唔算大，性價比一般。越式經典手工法包 ($35)食材好豐富，包括有酸蘿蔔絲、肉鬆、青瓜、金不換等等😍，入面仲用左好正宗嘅豬肝醬黎調味，食落好香好惹味，製作都幾認真喎🤔。而法包就焗得岩岩好，口感好鬆軟，整體水準幾高👍🏻。越式牛油雞翼($32)雞翼炸得超脆而且香口，而且即炸所以超級熱辣辣，第一下比啲油辣親嘴添😂，整體唔會好淡味，正！