亞蘇爾 (新城市廣場) (已結業)

原來沙田市中心呢度開咗間閒葡國餐廳叫阿蘇爾。呢日晚上經過時見到門口好多人。就攞飛等位試下。夜晚八點開始攞位，等左大約三個字就可以入座。餐牌嘅選擇好多好豐富，花多眼亂，好多都想食。最後我就點咗個辣肉腸炒雜菜，白酒煮海宴，葡國雞，以及係蝦子松露意大利麵。當然要試埋佢個焦糖葡撻。飲品點咗兩杯白酒。第一道上嘅菜係辣肉腸炒雜菜。雜菜好香配上橄欖油更加突出，辣肉腸好入味。白酒煮海鮮，海蜆冇沙，檸檬汁調得剛剛好。配埋蒜蓉包一流。葡撻好香脆，熱呼呼剛剛出爐。蝦子松露意大利麵。雖然本身唔係葡國菜，但餐廳仍然住得好出色，好creamy，意粉亦有咬口，海鮮好新鮮。葡國雞嘅雞件好多件，葡汁煮得好入味，配上白飯或薄餅好好味。食完今餐非常之滿足，會返嚟食過。