影片
更多
2017-09-19
316 浏览
自問好少入賭場賭搏，一來冇乜本錢，二來亦好怕血汗錢片刻付諸流水，而家都係喺麻雀枱上玩玩，聯誼一吓，所以而家去澳門我都主要係為「搵食」。去澳門除咗食地道小食，或者又平又正嘅自助餐之外，點都唔少得葡國菜。澳門係葡國前殖民地，感覺葡國菜特別正宗。但係為左食好西，專登過大海，舟車勞頓而住一晚酒店，價錢都幾貴。最大問題係︰除左啲好高級食肆或酒店，一般餐廳啲服務水平都幾差，尤其係老字號嗰啲，好唔客氣架，仲差過香港啲茶記。唔知有冇人同我一樣有同感呢?!尖沙咀新開左間葡國餐廳 ，老闆兼總廚Michael有葡國血統，餐廳中文名叫咪走雞，其實都以老闆個名Mike借音而改。先唔好講野食，服務反而令我最深刻。店員個個都好有禮貌，換碟、斟水、執枱做得好到位，而且人手充足，唔會冇人應。葡式薯仔花菜湯$55 ，一人叫左一碗，都幾大碗，好飽肚。馬鈴薯煮成泥狀，不過一啲都唔「杰」，唔怕飲完會好飽肚。葡國臘腸切粒，葡國臘腸質感似午餐肉，而唔係中式臘腸咁硬。菜葉切絲，放喺面頭裝飾。成個湯好濃薯仔味，葡國臘腸好可口，唔錯唔錯。每人會送一個麵包，仲配牛油同橄欖。因為麵包係即焗，湯送到時麵包仲未到，店員話焗緊，要等多等。大大個，
尖沙咀新開左間葡國餐廳 ，老闆兼總廚Michael有葡國血統，餐廳中文名叫咪走雞，其實都以老闆個名Mike借音而改。先唔好講野食，服務反而令我最深刻。店員個個都好有禮貌，換碟、斟水、執枱做得好到位，而且人手充足，唔會冇人應。
葡式薯仔花菜湯$55 ，一人叫左一碗，都幾大碗，好飽肚。
馬鈴薯煮成泥狀，不過一啲都唔「杰」，唔怕飲完會好飽肚。葡國臘腸切粒，葡國臘腸質感似午餐肉，而唔係中式臘腸咁硬。菜葉切絲，放喺面頭裝飾。成個湯好濃薯仔味，葡國臘腸好可口，唔錯唔錯。
每人會送一個麵包，仲配牛油同橄欖。
因為麵包係即焗，湯送到時麵包仲未到，店員話焗緊，要等多等。
大大個，熱辣辣。外面好鬆脆，裏面好鬆軟。
1/4隻葡式燒乳豬$280，切開左四大件。
用特製香料醃製，外皮燒到脆卜卜，食似薯片口感，食到咯咯聲。
肉身保持嫩滑，有啲部位好厚肉，有啲部位就薄肉。肉汁豐富，比起酒樓啲又薄又乾爭爭嘅乳豬全體當然高層次好多。
價錢已包括一個葡式炒飯，如果嫌唔夠喉，可以另外再叫(兩位$95，四位$180)。
材料有葡國臘腸、葡萄乾、雞蛋、紅蔥頭、蒜頭、蕃茄醬，味道好似港式西炒飯，酸酸甜甜。
霹靂非洲燒雞(全隻) $195 ，可以揀小辣、中辣、大辣! 我哋叫左小辣。味道偏鹹偏濃味。
因為加入非洲Piri Piri辣椒醬汁，所以叫做霹靂。雖然小辣，但對於唔食得辣我，已經幾辣吓，但辣先夠惹味喎，鍾意食辣就更啱。肉質就全隻都嫩滑，特別係雞脾位。
最後係最重要甜品環節，餐牌選擇唔少︰
但出面甜品櫃有更多選擇，仲有實物睇︰
睇中左呢款︰
芒果錢包 $65，上枱時同甜品櫃個display有差別，多左好多Mousse喎。
Mousse好香滑，淡淡芒果味。
三層酥皮包入面係粒粒新鮮芒果，味道香甜，但唔會過甜。
同店員了解，呢度每款甜品都唔會好甜。我自己好鍾意食甜品，而我朋友就對甜品一般，但大家都覺得呢種甜度好啱食，結果佢仲食得多過我。
講返環境，餐廳都幾寬敞，坐得舒適。
佈置都幾有特色。
呢度食物美味正宗，環境又舒適，雖然餐廳位置喺一個人流唔多嘅商場入面，但都唔少識食嘅人嚟。証明好嘢點都有人識欣賞嘅~
张贴
