影片
更多
2017-09-27
56 浏览
今次同屋企人四個人去試吓「大埔OPPA韓國燒肉店」，入到去餐廳環境裝修好韓式Feel，電視螢幕播放着韓國至潮的MV歌曲，座位以紅色圓形沙發筒櫈為主，也有高枱，牆上面好多塗鴉，入型入格。隨即我哋叫咗個「馬場東套餐」，有三至四個人份量，超過十種款式食物，等緊食物嘅期間先來兩份前菜，同埋叫咗兩杯特飲，分別係「原個菠蘿冰」同埋「草莓冰蜜蜜」。我個杯「菠蘿冰」真係用原個菠蘿裝住啲用沙冰機打磨製成嘅新鮮菠蘿冰，賣相已經好吸引好大杯，飲落去味道唔會苦澀而且鮮甜，果然用新鮮菠蘿汁製成。套餐中包括「韓式炸雞」同埋「韓式海鮮年糕」呢兩款熟食。炸雞食落去雖然有啲熱氣，但真係忍唔到口，外皮炸到好香脆可口，而且咬落去肉汁已經滲透晒出嚟，啲雞肉仲要好滑，必食！之後就開始燒嘢食，煎鍋旁邊有一條蛋，每人試少少，少食多滋味。燒肉包括「韓國1++韓國牛脊柳」、「鹿兒島橡味黑豚」、「澳洲和牛上肩肉（M9)」、「澳洲和牛五花」、「A4和牛三角肉」、「宮崎和牛上蓋肉眼」、「澳洲和牛脷」、「銀雪魚扒」同埋「匈牙利鵝肝」，真係好多款式架。基本上每一款肉都好好食好新鮮，我最欣賞就係「匈牙利鵝肝」同埋啲牛肉，鵝肝煎得好香脆，而且好大塊
今次同屋企人四個人去試吓「大埔OPPA韓國燒肉店」，入到去餐廳環境裝修好韓式Feel，電視螢幕播放着韓國至潮的MV歌曲，座位以紅色圓形沙發筒櫈為主，也有高枱，牆上面好多塗鴉，入型入格。
隨即我哋叫咗個「馬場東套餐」，有三至四個人份量，超過十種款式食物，等緊食物嘅期間先來兩份前菜，同埋叫咗兩杯特飲，分別係「原個菠蘿冰」同埋「草莓冰蜜蜜」。
我個杯「菠蘿冰」真係用原個菠蘿裝住啲用沙冰機打磨製成嘅新鮮菠蘿冰，賣相已經好吸引好大杯，飲落去味道唔會苦澀而且鮮甜，果然用新鮮菠蘿汁製成。
套餐中包括「韓式炸雞」同埋「韓式海鮮年糕」呢兩款熟食。炸雞食落去雖然有啲熱氣，但真係忍唔到口，外皮炸到好香脆可口，而且咬落去肉汁已經滲透晒出嚟，啲雞肉仲要好滑，必食！
之後就開始燒嘢食，煎鍋旁邊有一條蛋，每人試少少，少食多滋味。燒肉包括「韓國1++韓國牛脊柳」、「鹿兒島橡味黑豚」、「澳洲和牛上肩肉（M9)」、「澳洲和牛五花」、「A4和牛三角肉」、「宮崎和牛上蓋肉眼」、「澳洲和牛脷」、「銀雪魚扒」同埋「匈牙利鵝肝」，真係好多款式架。
基本上每一款肉都好好食好新鮮，我最欣賞就係「匈牙利鵝肝」同埋啲牛肉，鵝肝煎得好香脆，而且好大塊，煎完之後唔算太油，食落去有入口即溶嘅感覺，算係唔錯。
牛肉方面特別係「A4和牛三角肉」、「宮崎和牛上蓋肉眼」同埋「澳洲和牛脷」，牛肉嘅條紋肥瘦都好平均，放入鍋入面煎一陣就已經食得，只需要點少少牛肉醬汁，食落去已經好滋味，因為佢本身有好濃郁嘅牛肉味，而且食落去肉質好軟身滑嫩，果然係靚嘅和牛。
最後我哋叫多咗一個「豬肉石鍋拌飯」，豬肉飯用可以保溫嘅熱辣辣石鍋裝住。除此之外，配菜好豐富鋪晒係面頭，包括有芽菜、紫菜同埋豬肉等等，而且辣醬係另外上的。將少少辣醬撈入去飯入面，連埋啲配菜一齊攪好香，食落去底下啲飯焦非常脆口，而且好入味。豬肉口感好爽口，新鮮而好味。
最後埋單四個人都只係1200有找，就可以食到咁豐富嘅新鮮韓國燒肉，下次會再幫襯。张贴
