肉骨皇 (已結業)

之前聽人講大坑有好多隱世美食，今日黎到行到街尾發現左呢間東南亞既餐廳，仲有肉骨茶食。自此上次係馬拉食後，就無再食過！兩個人叫左個細既肉骨茶，一份薄餅同一份無骨海南雞飯。肉骨茶：個份量1個人都可以食得晒，因為太好味，久違既藥膳味道，夠味但唔會咸，最緊要唔油膩❤️無骨海南雞飯：雞件足夠，食落真係醉骨都無，配合既醬油好濃，唔同出面個d醬甘無味，雞肉幼嫩，雞皮爽口，個隻超好食，小小咸但唔會感覺到太多雞油係入面🥰原味薄餅：脆口薄餅配上特製咖喱，一絕！感到驚喜係呢間食店所有野都好清，但夠味，唔會油膩，去開個頭值得去一試🎊