炑八韓烤 (已結業)

突然想食韓燒，朋友介紹依間韓燒好食。我地三個大人一個小朋友⋯叫左個二人濟洲套餐。原來份量都幾多⋯夠哂我地咁多人食。味道都唔錯，個牛似好好食，好有牛肉味。入面又有豬頸肉，又有魷魚⋯全部都好新鮮⋯個燒烤套餐仲包埋個seafood pancakes. 味道一流⋯好好食。不過，見好似全部都係燒烤食物，好似好熱氣咁，所以就另外叫左個冷麵，味道都好正宗，好似我去韓國食咁。環境又唔錯，地方夠大，又可以比我地慢慢傾計，我地坐左兩個半鐘都冇話趕我地走。下次可以再尼多次。