秘苑韓國料理 (已結業)

平時好少食韓國野，食親都係港式"韓燒"，志在同朋友見下面，食物反為其次。秘苑系香港甚少有嘅正宗韓國餐廳，老闆娘系韓國人，用嘅餐具系韓國先常見嘅鐵碗、短筷子。同香港其他韓國野唔同，尼道嘅食客大部分都系韓國人，比較少香港人會黎尼道食。 因為我唔係太鍾意食辣，所以系道推薦兩款唔辣嘅韓國菜。1. 燒雞同平時系韓燒舖頭食道嘅唔同，尼道燒嘅系雞柳而唔系雞扒。食客可以揀系廚房燒或者系餐桌中間嘅燒烤爐燒。如果你技術唔系太好，我就建議你系廚房燒。我覺得尼個燒雞最傑出系佢嗰醬，少少甜但又唔系太濃。有少少近似日式燒汁，不過無咁甜同埋嗰味無咁搶。2. 蒸蛋聽落唔系一啲好特別嘅韓國野食，不過秘苑將佢做得幾好味。同中國蒸水蛋唔同，佢唔系以滑嫩為賣點，而系用佢濃郁嘅口感吸引顧客。一問之下，先知廚房加左蝦醬黎整個蒸蛋，令佢咁香除左以上兩樣，秘苑仲有好多野都好好味，例如燒牛肋骨、雞絲湯麵 etc. 大家有機會真系要黎試下！秘苑唯一缺點就係間鋪有啲隱秘，要花啲時間搵