影片
更多
2025-04-14
18 浏览
香港的地道泰國小炒，今晚去食，有泰國街頭粉仔（船面）1） 曼谷招牌豬肉金邊粉金邊粉煮得爽口彈牙，豬肉及豬肉丸都好好味，湯底非常濃郁，因為用咗豬血而煲，但完全唔會有血腥味，反而因為用豬血制成，質感變得更膠質。2） 曼谷招牌牛船河河粉選用粗河粉，外觀同口感好似腸粉，好多地方嘅河粉都係用乾既浸水開成，但依間店係用泰國新鮮運來嘅河粉而煮，食落更煙靭有咬口。牛肉同牛丸都好正，湯底亦都非常濃郁，因為用咗牛血而煲。3） 曼谷招牌牛腩乾撈蛋麵呢間嘅泰國蛋麵就唔同一般香港雲吞麵舖食開嘅鹼水麵，唔會有嗰種鹼水味，食落更加爽口彈牙。4） 秘製牛奶豬肉串燒豬肉係用牛奶醃成，所以令到豬肉更香更滑，經過燒後，表面焦香，裏面Juicy滑溜。5） 蟹肉奄列蟹肉奄列蛋煎得好乾身，裏面勁多蟹肉，切開奄列熱辣辣，裏面是手拆嘅蟹肉，幾乎每一啖都啖啖蟹肉，配上自家製的辣椒，好惹味6） 小食拼盤泰式魚餅：味道香辣，魚肉中混合著檸檬葉香氣、增加口感層次嘅豆角及啖啖嘅魚香。炸蝦餅：蝦餅炸得金黃色，香脆又可口，肉質爽彈，外脆內軟。粉絲皮春卷：外面乾酥爆脆，裏面粉絲同豬肉味道啱啱好，十份match。7）芒果糯米飯我最愛嘅甜品，佢用黑白糯
1） 曼谷招牌豬肉金邊粉
金邊粉煮得爽口彈牙，豬肉及豬肉丸都好好味，湯底非常濃郁，因為用咗豬血而煲，但完全唔會有血腥味，反而因為用豬血制成，質感變得更膠質。
2） 曼谷招牌牛船河
河粉選用粗河粉，外觀同口感好似腸粉，好多地方嘅河粉都係用乾既浸水開成，但依間店係用泰國新鮮運來嘅河粉而煮，食落更煙靭有咬口。牛肉同牛丸都好正，湯底亦都非常濃郁，因為用咗牛血而煲。
3） 曼谷招牌牛腩乾撈蛋麵
呢間嘅泰國蛋麵就唔同一般香港雲吞麵舖食開嘅鹼水麵，唔會有嗰種鹼水味，食落更加爽口彈牙。
4） 秘製牛奶豬肉串燒
豬肉係用牛奶醃成，所以令到豬肉更香更滑，經過燒後，表面焦香，裏面Juicy滑溜。
5） 蟹肉奄列
蟹肉奄列蛋煎得好乾身，裏面勁多蟹肉，切開奄列熱辣辣，裏面是手拆嘅蟹肉，幾乎每一啖都啖啖蟹肉，配上自家製的辣椒，好惹味
6） 小食拼盤
泰式魚餅：味道香辣，魚肉中混合著檸檬葉香氣、增加口感層次嘅豆角及啖啖嘅魚香。
炸蝦餅：蝦餅炸得金黃色，香脆又可口，肉質爽彈，外脆內軟。
粉絲皮春卷：外面乾酥爆脆，裏面粉絲同豬肉味道啱啱好，十份match。
7）芒果糯米飯我最愛嘅甜品，佢用黑白糯米配搭個香甜可口嘅芒果，正
张贴
