祥興記上海生煎包 (譚臣道)

每次去上海都一定要去小楊生煎，成日心思思掛住。知道香港開咗呢間祥興記，之前去過尖沙嘴店，而嗰日星期六經過呢度灣仔店，當然又要入去食啦！

之前響尖沙嘴店試過黑松露味，但我都係中意正宗原味生煎包。
其實約咗Mr. C去食lunch，不過唔緊要啦，佢應該唔會話我“偷食”小小既。。。
我就點咗一客四件「招牌生煎包」$30

呢間店裏面大過尖嘴嗰間，裏面有幾排靠鏡位可以企響度食。枱面上放咗醋、辣椒醬、餐具。

好快就ready，熱辣辣既生煎包久等啦！

招牌生煎包

$30

生煎包非常新鮮，皮薄多汁。而且汁好熱，食既時候要非常小心，如果唔係就會辣襯條俐。
每一個生煎包底部都煎得金黃色脆脆既。好正！
另外，可以自行用枱面既醋等等自己調味。

好滿足！

2