呢個絕對係喜記尖沙咀旗艦店嘅「鎮店招牌」！🍽餐廳揀嘅都係新鮮肉蟹，再配埋蒜蓉、豆豉、辣椒等材料爆炒，火候控制得啱啱好。蟹肉完全吸收晒蒜蓉同辣椒嘅香味，食落香辣夠味，真係好食到停唔到口‼️‼️ 仲有個好處，侍應會主動提供拆蟹服務，細心噉將蟹肉同蟹殼分開，等食客唔使費力剝殼，輕輕鬆鬆就可以歎晒呢份鮮美。👍👍
😋😋喜記富貴蝦🦐🦐
富貴蝦其實就係大家成日食嘅瀨尿蝦，但喜記呢度嘅富貴蝦真係「大隻過手掌」，個頭夠晒誇張！先經高溫油炸到金黃香脆，之後再落秘制椒鹽調味，食落鹹香夠味，蝦肉又鮮又甜仲彈牙，蝦膏仲有淡淡嘅甘香，咬落有口感，蒜蓉同椒鹽嘅配搭真係整定，鮮味即刻提升晒！
蒜蓉粉絲蒸扇貝🤤🤤
呢道經典粵式蒸菜，完全體現到喜記對「鮮味」嘅執著！揀嘅都係來自曰本生猛扇貝，肉質滑溜又冇腥味，提前處理乾淨之後鋪喺粉絲上面，再滿滿鋪一層調好味嘅蒜蓉醬。蒸嘅過程中，扇貝嘅鮮汁慢慢滲入粉絲，蒜蓉嘅香味又同扇貝嘅鮮甜融埋一齊。上枱嘅時候，手掌咁大隻，蒜蓉香陣陣，但又唔會辣喉，粉絲吸晒晒鮮汁，食落軟糯又夠海鮮味；扇貝肉一咬就散，清甜喺口腔裏面散開，口感層次好豐富，解膩又開胃，食完仲想再嚟一碟！
🍽🍽餐廳環境特色🥃🥃
喜記嘅環境，完全保留住香港餐廳嘅熱鬧煙火氣，無論係朋友聚會、屋企食飯，定係遊客專程嚟打卡，呢種環境都可以令人放鬆，喺呢度都可以食到最正宗嘅香港海鮮風味，體驗到喜記避風塘炒辣蟹獨有嘅魅力，絕對係香港海鮮餐廳裏面，不容錯過嘅寶藏店！
