環境：
餐廳位於商業中心較高嘅樓層， 一出𨋢就係店舖，地方唔算話太大，但係裝修都算精緻，感覺上都會坐得幾舒服，佢仲要有地方畀你擺袋，咁就唔怕整污糟同埋整到有味道啦！
食物：
食物選擇唔算特別多，但係我都唔打算逐樣評論，哈哈！整體嚟講食物質素都算中上， 而且湯底方面選擇亦都唔多，分別有重慶最出名嘅九宮格同埋鴛鴦鍋選擇，而辣度方面就有重慶辣同普通，我哋當日選擇咗重慶辣，食落感覺的確比香港其他重慶火鍋館辣度較大，但係都尚可接受。 其他廢話唔多講喇，咁耐冇出嚟食飯，特別係重慶火鍋，今次一試，只有一個字，正！
