澳葡牛奶餐室

营业中

休息中

勁耐冇去過澳門 唯有喺香港搵下好味嘅澳門菜頂住檔先🤣 見到呢間環境都好似幾舒適 就入去試試佢 果然冇令我失望首先係咖哩牛坑腩飯 佢嘅咖哩明顯唔係日式果種味 唔係印度果種香料 亦唔係葡汁果種好甜嘅椰香味 而真係有少許葡汁feel亦有咖哩嘅香味 mix得比例剛剛好 係澳門先會食到嘅味道然後配左杯冰鎮奶茶 好處就係keep住冰凍 但唔會因為冰水溶落去淡左 而佢無論係奶味定茶味都好香濃 所以話 一間餐廳嘅質素 睇杯奶茶咖啡就知道另外試左一下焗豬扒飯 都係周圍都有得食嘅菜式 但佢扒真心厚肉 而且芝士可以做到拉絲 所以都係有驚喜最後要提澳門菜甜品嘅招牌 雙皮奶同燉奶 除左好滑同奶香味極重之外 杏汁燉奶嘅杏仁味都好出 比起我之前去澳門當地食嘅更為出色😍