饕牛記 (已結業)

我諗大家打邊爐都同M佬一樣，點都一定要食肥牛，佢話無食過牛，就好似無打過邊爐咁。就係因為咁，我哋今日就去食旺角饕牛記，嘆手切新鮮全牛火鍋。鋪頭唔大，好鍾意餐廳特別設計嘅大玻璃窗，大家可以睇住廚師切肉。傳統牛骨清湯鍋餐廳有五款湯底畀大家揀，有傳統牛骨清湯、秘制汁香濃牛骨湯、牛骨牛坑腩清湯、原味牛尾湯同藥膳滋潤牛鞭湯。我哋揀咗牛骨清湯，味道清甜，有淡淡牛香味，白蘿蔔入晒味，仲有埋粟米埋，都算幾足料。話明係食牛專門店，有13款手切新鮮牛肉，脖仁、五花趾、胸口撈、吊龍、匙仁等。為咗能夠品嚐每一個部位嘅精髓，餐牌都有教大家每個部位嘅煮食時間，唔怕煮到過火，而嘥咗塊牛。三花趾三花趾係位於牛腿部份，肉連爽筋，口感豐富。吊龍脂肪較少，所以肉實較實，牛味最濃。匙柄匙柄較三花趾同吊龍脂肪較多，肉質鮮嫩，牛味適中。黑栢葉唔係好多餐廳有嘅黑柏葉，只需涮一分鐘就可以吃，入口爽脆，正。炸響鈴火鍋必食嘅另一食材炸響鈴，吸埋牛骨湯，好香濃呀。