陳儀興滷水鵝專門店

营业中

休息中

今個星期經常OT要食外賣，燒味飯已經食到厭，記得之前屋企人加餸陳儀興滷水都好正，今晚一於去買外賣店舖環境光猛乾淨，闊落舒適，大櫥窗一眼望到各式滷味，即叫即斬，好新鮮，樣樣都想食有唔同嘅特色飯餐，可以轉做米粉/銀針粉，仲送埋大碗老火湯，加$10有油菜，凍飲加$8滷水雜拼飯有墨魚、紅腸、豬腸，腩肉等，墨魚爽口彈牙，滷水汁提升咗墨魚嘅鮮甜味滷水汁滲入紅腸，好惹味。腩肉肥瘦相間，滋味濃郁。豬腸柔軟而且口感豐富，仲處理得好乾淨滷水鵝肉飯，鵝肉肉質鮮嫩，脂肪分布均勻，連皮一齊食，帶少許油脂嘅香味，口感層次提升滷水汁唔會太鹹，菜心淥得夠腍