駟馬拖車潮州飯店 (東九匯)

营业中

休息中

今日姨媽來探我，佢係一個正宗的潮州人，今日帶佢去食潮州菜，呢到地方寬敞，裝修新穎，店員招呼周到，受到熱情的款待。下次一定再介紹朋友嚟！1.滷水鵝肉滷水鵝大大碟，滷得好入味～ 鵝肉紮實、甘香，充滿鵝油香。底下有不少豆腐，豆腐好滑，外層都沾滿滷汁，非常美味。2.椒鹽九肚魚九肚魚即叫即炸，香噴噴，外皮薄薄一層，脆卜卜，內裏九肚魚魚肉滑。表面有椒鹽作調味，好惹味。3.紅燒乳鴿(隻)乳鴿都係即刻燒起㗎，外皮脆脆地，內裏好juicy，肉質嫩滑，好有鹹香。4.潮式炸雙棗（虾棗及蟹棗)依款小食好特別，姨媽都話正宗。兩款炸後外皮酥脆，蝦肉/ 蟹肉粒配上爽脆馬蹄同芹菜粒，令口感豐富非常，而且好香口美味。5.金腿筋扒津我地再叫左個蔬菜，娃娃菜吸滿金華火腿湯嘅湯汁，好鮮甜。另外仲有粉絲，蝦米等材料。6.蠔仔粥蠔仔粥粥底好綿密、味道鮮甜。蠔仔粒粒都漲卜卜，好新鮮。