正潮樓 (富通大廈)

营业中

休息中

我屋企係潮洲人，但疫情之後一直冇機會返鄉下食正宗潮州菜，今日帶咗母親去位於灣仔嘅正潮樓，品嚐正宗潮州菜。- 滷味三拼盤滷味通常係潮州菜嘅第一道菜，三拼有鵝腸、鵝肉同墨魚。整體味道平均，唔會太鹹又唔會太淡。鵝腸爽口入味，墨魚好大片。至於主角滷肉肉質鮮嫩，肥瘦適中。- 欖仁五榖羮五榖羮非常驚艷到我，味道好似南瓜湯，口感絲滑，入面材料好豐富包括粟米、茨實、欖仁、薏米同松子仁，所以細細碗但非常飽肚。- 油泡南澳魷南澳魷好大條，「稻穗花」既切法令魷魚肉質更爽彈，加左蒜蓉炒更惹味，旁邊嘅珍珠葉都好香口。- 臘泊春菜煲春菜煲份量好多，春菜煮到好軟稔清甜，可以解膩。- 韭菜粿拼荷蘭薯粿潮州人做粿品有好多種，而我就最鍾意荷蘭薯粿，外酥內糯，入面既薯仔餡夾雜各種食材，調味啱啱好。至於韭菜粿就啱晒鍾意食韭菜嘅母親大人，粉皮厚度適中，入面韭菜真係超多。以上菜式係兩位商務套餐入面，完全展現潮州菜樸素嘅風格，味道出色，環境都唔錯。