煮打菜打冷小菜館 (已結業)

今日放工之後同屋企人去食潮州打冷，呢間潮洲打冷好好生意，晚市好多人，有時可能要排隊！呢度有好地道既潮州菜，諗唔到食咩既話可以揀廚師推介去潮州餐廳食野，蠔餅係必食既，所以我地就叫左個潮式爆花蠔餅。佢呢個蠔餅炸到好鬆脆，同時保持到入面既蠔好嫩滑！另外，我地亦都叫左一個滷水拼盤，呢個拼盤咩都有，包括墨魚、滷水蛋、紅腸、腎、雞肉等等，啲滷水汁整得好入味！呢度既老火例湯真係好足料，入面有豬骨、南北杏、佛手瓜等，飲落去好濃郁，絕對唔係出面啲味精湯。小菜方面，我地叫左呢個香芋滑雞煲，芋頭煮得好綿，勁好食，而雞肉又嫩滑！仲有呢個臘味炒芥蘭，好香好惹味！豉汁帶子蒸豆腐亦都唔錯，豆腐勁滑，帶子天大大粒！重頭戲係呢個生煏大白鱔煲，新鮮滾熱辣既大白鱔，整得好惹味！