常得館湖南米線 (已結業)

元朗區真係美食天堂，放工後超級想食米線，嚟到西菁街嘅常得館，正宗湖南米線店。店員親切有禮，餐廳座位寬闊，坐得舒適。我同朋友各自叫咗一碗米線，仲可以自製雙拼。湖南麻辣牛肉米線 朋友唔係食得好辣，見到餐牌有三個辣椒，有少少嚇親，所以點咗少少辣。首先講下湯底，極之入味同好香湖辣味，仲係多蔥多蒜系列。湯底入邊有木耳，生菜，牛肉係牛腩，連住啲根食落都好淋好易入口。自創麻辣五花腩米線湯底同朋友嗰碗一樣，店員同我哋講，佢哋每日用新鮮豬骨熬製而成，真材實料。五花腩肥瘦適中，兩碗嘅餸菜同餐牌圖一樣都有咁多，好抵食！